مشروع .. ادخل أقراء الشات

<blockquote class="postcontent restore ">


الملتقى الدعوي
هـــذا لك !



يقدم

سلسلة" ادخل اقرأ الشات ! "



[b][b][b][b][b]♥[/b][/b][/b][/b][/b] الحلقة الأولي .. [b][b][b][b][b]♥[/b][/b][/b][/b][/b]

باسم الله نبدأ:



السائل:
السلام عليكم

الشيخ
وعليكم السلام و رحمة الله وبركاته

السائل:
الشيخ ........ معايا؟؟

الشيخ:
أيوة !

السائل:
معلهش يا شيخ كان فيه حاجة عايز أسأل حضرتك فيها

الشيخ:
اتفضل يا أخي

السائل:
بصراحة يا شيخ أنا تعبت من كتر ذنوبي !!...أنا عارف إن مفيش حد مبيغلطشي..بس ذنوبي
كتير فعلا...وساعات أحس باليأس والعياذ بالله..وكمان كل ما أقول مش هأرجع تاني للمعاصي
أضعف وأرجع....مش عارف إيه الحل..!!



الشيخ:
ليه يا أخي...متقولشي كده..بسيطة إن شاء الله...
.
.
((الشيخ منتظر أي استجابة))
.
.

الشيخ:
يا أخي أنت معايا؟؟
.
.



السائل:
أيوة يا شيخ...متأسف ...مع حضرتك

الشيخ:
أوعي تصاب باليأس يا أخي...
حاول تحل مشكلة كثرة الذنوب دي ....
يعني أنت محتاج تزكية النفس...فاهمني؟؟

السائل:
معلهش يا شيخ مش واخد بالي....تزكية نفس إزاي؟؟



الشيخ:
تزكية النفس يعني أنك ترفع نفسك بالطاعات والعبادات...لأن الإيمان يزيد بالطاعة وينقص بالمعصية...
فأنت بتزود طاعاتك وعباداتك وأعمال الخير علشان ترفع مستواك الإيماني...
وفي نفس الوقت تبعد عن الذنوب...حاول تتخلص من ذنوبك...

[size=21][/size][size=21][/size][size=21][/size][size=21][/size]

السائل:
جزاك الله خيرا يا شيخنا..بس إزاي أتخلص من ذنوبي؟؟

الشيخ:
جزانا وإياكم..
التخلص من الذنوب موضوع كبير مينفعشي يخلص في شات واحد..
هأحاول أقول لك شوية نقط ممكن يفيدوك بإذن الله

جدد توبتك...جدد التوبة الآن...

أولا لازم يبقي عندك الإخلاص في نيتك..يعني صدق..
صدق أنك تتوب إلي الله...صدق في اللجإ إلي الله تعالي...صدق في توبتك..

لازم تستشعر عظمة ربنا سبحانه وتعالي..
يعني زي ما يقال ((لا تنظر إلي صغر المعصية ولكن انظر إلي عظمة من عصيت))

إياك ان تجعل الله أهون الناظرين إليك

السائل:
صعبة أوي يا شيخ دي !!

الشيخ:
تذكر نعيم الجنة وعذاب النار..لردع نفسك وهواها...واستشعرهما كثيرا...
ادع الله تعالي أن يغفر لك...وأن يثبتك علي الحق..وأن يصبرك..

اصبر... استعن بالله ولا تعجز ...

الشيخ:
هي إيه دي اللي صعبة ؟

السائل:
حكاية أني لا أجعل الله أهون الناظرين إلي..
يعني والله يا شيخ أنا طبعا بأحب ربنا وعارف أنه العظيم الجبار...
بس مش عارف..ده الشيطان بيضحك علي ولا إيه ؟؟

[size=21][/size][size=21][/size][size=21][/size][size=21][/size]

الشيخ:
مممممم..الشيطان.....ممكن..
بس أنت أصلا المفروض أن لا تتواجد في أماكن الفتن عليك بالصحبة الصالحة التي تعينك
علي الطاعة... واحذر من الوحدة إن كان الشيطان سيفتنك !!
خذ بالأسباب..
يعني دمر أي آثار معاصي عندك..مثلا أفلام...نمر هاتفية..آلات موسيقة .....أي شيء..
إياك والتسويف..

تذكر الموت...وأنه لا خير في لذة بعدها النار والعياذ بالله...
وأنت لا تدري متي نهايتك...

اشغل نفسك بالحق...((نفسك إن لم تشغلها بالحق شغلتك بالباطل))
يعني لو لقيت وساوس فاستعذ بالله من الشيطان الرجيم...واقرأ قرآن مثلا...اذكر الله...

((الشيخ يسكت لفترة طويلة))



السائل:
بارك الله فيك وجزاك الله خيرا يا شيخ..سكت ليه؟؟

الشيخ:
دول اللي قدرت أستحضرهم دلوقتي...أكيد الأفكار كتير,....لكن أنا بأفتكر لك مش محضر...

السائل:
طب معلهش يا شيخ...ممكن بس تقول لي يعني إيه "إياك والتسويف" ؟

الشيخ:
طبعا يا أخي..هذا لك !..
التسويف يعني التأجيل..يعني تقعد تأجل التوبة..
ده غلط لأن كده الشيطان بيضحك عليك..المفروض تبادر بالتوبة بعد المعصية ..ولا تأجلها أبدا..

السائل:
جزاك الله كل خير
حضرتك كده كلمتني عن إزاي أحاول أترك المعاصي...ربنا يقدرني...
طب وزيادة الطاعات؟؟

[size=21][/size][size=21][/size][size=21][/size][size=21][/size]

الشيخ:
جزانا وإياكم
زيادة الطاعات دي عايزة منهج صح...يعني محتاج تعرف طاعات كتير بحيث تعمل علي قد ما تقدر..
وكمان المفروض تشوف إيه الطاعة اللي بترفع من مستواك الإيماني وتتشبث بها فلا تتركها...

السائل:
طيب وأنا أعرف منين الطاعات دي أصلا

الشيخ:
ممممممم...طب استني

السائل:
؟؟

الشيخ:
أهه...أنا بعت لك ملف مضغوط فيه ملف وورد يحتوي علي بعض العبادات والطاعات لتزكية النفس...
وكمان ملف صوتي فيه بعض اعمال البر ..

((وصلة الملف في آخر المشاركة))

السائل:
جزاك الله كل خير يا شيخ...بس أنا لسه هأقرا وأسمع؟؟

الشيخ:
لأ متخافشي ...ملف الوورد صغير جدا ويتقري في دقيقة...و الملف الصوتي طوله أقل
من دقيقتين أصلا..

السائل:
يااااه...ربنا يكرمك يا شيخ..

الشيخ:
ربنا يعزك يا أخي

صحيح إياك تيأس...لأن ده كده فعلا الشيطان بيضحك عليك...
الله رحيم غفور..وباب التوبة لايزال مفتوحا يا أخي....أوعي تخلي الشيطان ييأسك ...
أنا ممكن أجيب لك آيات قرآنية وأحاديث عن التوبة بإذن الله...
بس بعدين مش دلوقتي لأني لازم أخرج دلوقتي..

السائل:
ربنا يكرمك يا شيخنا...إن شاء الله هأحاول أنفذ اللي حضرتك قلت لي عليه ...ومش هأيأس بإذن الله...
ومستني الآيات والأحاديث عن التوبة في أقرب فرصة إن شاء الله...

الشيخ:
هأبقي أحضرها لك إن شاء الله وأديها لك في إيميل..

السائل:
خلاص ماشي إن شاء الله...

[size=21][/size][size=21][/size][size=21][/size][size=21][/size]

الشيخ:
ابقي طمنا عملت إيه...

السائل:
بإذن الله..هأحاول أوصل لحضرتك تاني بالماسنجر...جزاك الله خيرا...
ادع لنا يا شيخ !!

الشيخ:
ربنا يكرمك يا أخي..
السلام عليكم ورحمة الله وبركاته

السائل:
وعليكم السلام ورحمة الله وبركاته



انتهي أول شات !!
و انتظروا بإذن الله الشات التالي

وصلة الملف المرسل من الشيخ للسائل:



http://www.shazly.net/~freehosting/2...New_Folder.rar



</blockquote>

<blockquote class="postcontent restore ">




</blockquote>