احنا هنتظبط هنا

ليلتنا فل ان شاء الله يا جدعان
المصريين اللي في السعودية هيشوفوا ايام ما يعلم بيها إلا ربنا الفترة الجاية
بسبب المظاهرات الوقفات الموجودة اامام سفارة وقنصليات السعودية في مصر ومحافظاتها وعواصم البلاد التانية
وربنا يستر والسعوديين ماينتقموش مننا
خاصة ان في مصالح كتيييييييرة جدا للمصريين هنا من معاملات زيارة واستقدام وتأشيرات واشياء كتير ممكن توقف لو السعوديين خدوا الامر بشكل ندية

المتظاهرون أمام السفارة السعودية يحاولون رفع العلم المصري على مبنى السفارة

صفحة كلنا خالد سعيد: سؤال للإخوة اللي بيتظاهروا دلوقتي أمام السفارة السعودية: هل اللي بيتعمل دلوقتي بيخدم قضية أحمد الجيزاوي وبيراعي مصلحة أكتر من ٢ مليون مصري في السعودية؟ فيه فرق بين إننا نطالب بحقوقنا وننتزعها بالقانون ونضغط على حكومتنا للدفاع عن حق الجيزاوي وكل المصريين المعتقلين ظلما في السعودية وبين إننا نحوّل الأمر كله لاستقواء عضلات هيسيء لينا ولن يخدم قضيتنا .. آسف عارف الكلام مش هيعجب ناس كتير بس الحق أحق أن يتّبع وأخد الحق صنعة!

شبكة برق | B.R.Q ‎#Egypt
برق | وصول مسيره من معتصمي التحرير الي مقر السفارة السعودية بالقاهرة للالتحام مع المتظاهرين المتواجدين الآن تنديدا باعتقال المحامى المصرى احمد الجيزاوى بالسعودية على خلفية سبه الذات الملكية بحد وصف الاعلام

كلنا خالد سعيد
وبالمناسبة توضيحا لموقف الصفحة: إحنا مش ضد التظاهر قدام السفارة السعودية وكمان بندعمه هو وأي تظاهر أمام سفارة لا تحترم المواطن المصري، احنا بنتكلم عن اللي بيحصل في المظاهرة من الكتابة على حوائط السفارة واليفط بتاعتها .. احنا من أوائل الصفحات اللي فتحت قضية أحمد الجيزاوي وهنفضل نطالب بحقه .. حقه إنه يرجع بلده معزّز مكرم بعد ما يعمل العُمرة كمان .. ويخرج أي مصري مظلوم في سجون السعودية .. بس ده يحصل بضغطنا على حكومتنا مش تحويل الموضوع لخناقة بين دولتين بالتالي بين شعبين .. افتكروا سيناريو الجزائر ومسلسلات الغضب الشعبي بين الشعبين المصري والجزائر قبل ما ننساق لسيناريوهات تضرنا قبل غيرنا .. تاني: أخد الحق صنعة!

‎#رصد | #السويس | وقفه احتجاجية امام القنصلية السعودية بالسويس للتضامن مع الجيزاوي تصوير : طارق أبوعدس ، متابعة : احمد عياش نظم اليوم عشرات من النشطاء السياسيين بالسويس وقفة احتجاجية أمام مقر القنصلية السعودية بمنطقة بور توفيق بالمحافظة للتضامن مع المحامى والناشط أحمد الجيزاوى، والتى ألقت القبض عليه السلطات السعودية فى 17 أبريل الحالى بعد دخوله الأراضى السعودية لتأدية مراسم عمرة وزيارة البيت المحرم والمحكوم عليه بالسجن سنة و20 جلدة، لانتقاده "الذات الملكية". وهتف المتظاهرون"القضية القضية جلدوا إخواتنا في السعودية"، " الجيزاوي على حق كان بيقول للظلم لا"، و" قولنا عيش وكرامة وحرية جلدوا إخواتنا في السعودية" و"هيجلدوا الجيزاوي ليه؟ الثورة ماتت واللا إيه؟".

ممكن فعلا يطردوكم وهل حصل احتكاكات بين اي حد مصري هناك والسعوديين ؟

تبيان كتب:

ممكن فعلا يطردوكم وهل حصل احتكاكات بين اي حد مصري هناك والسعوديين ؟

لا هما مش بالغباء انهم يطردوا العدد الكبير ده من المصريين
لانهم كانوا اولي وعملوها وطردوا اليمنيين لما تم اختطاف القنصل السعودي في اليمن وهددوا بقتله
لكن الضرر علي المصريين اللي في السعودية هيكون في تعنت الجكومة السعودية في تيسير مصالح المصريين
من معاملات ومصالح زى عمل زيارات وإستقدام وتجديد اقامات وتامينات والكثييييير جدا من المعاملات اللي بتم بين المصريين وحكومة السعودية

وبدأت اللعبة

استدعاء السفير السعودي في القاهرة للتشاور :المملكة تغلق سفارتها وقنصلياتها في مصر
صرح مصدر مسئول أنه نتيجة للمظاهرات والاحتجاجات غير المبررة التي حدثت أمام بعثات المملكة في جمهورية مصر العربية، ومحاولات اقتحامها وتهديد أمن وسلامة منسوبيها من الجنسيتين السعودية والمصرية. بما في ذلك رفع الشعارات المعادية وانتهاك حرمة وسيادة البعثات الدبلوماسية. وبشكل مناف لكل الأعراف والقوانين الدولية.
ونتيجة لمحاولة المظاهرات تعطيل عمل السفارة والقنصلية عن القيام بواجباتها الدبلوماسية والقنصلية ومن بينها تسهيل سفر العمالة المصرية والمعتمرين والزائرين إلى المملكة. قررت حكومة المملكة العربية السعودية استدعاء سفيرها للتشاور، وإغلاق سفارتها في القاهرة وقنصلياتها في كل من الإسكندرية والسويس.

السؤال اللي بيطرح نفسه دلوقتي
هل القرار ده له تأثير علي زيارات المصريين للحج او العمرة او تأشيرات العمل خاصة اننا داخلين علي موسم الصيف اللي تكتر فيه العمرة في رجب وشعبان ورمضان نهيكم عن الحج وايضا في الفترة دى تكثر تأشيرات العمل؟

ممكن يكونوا بالغباء ده؟!

ربنا يستر

فيه تصعيد متعمد لاضعاف جبهة مصر/ السعودية

ارجو الا ننساق ونقع في الفخ

لان هناك من ينفخ في النار من التيارات الليبرالية

فالحذر ثم الحذر

.

» احنا نقفل المنتدي احسن