امتجان جزء " قد سمع "

موقف طريف حصل بين لي أهمية التركيز الشديد أثناء إجابة الامتحان


أول ما بنهي المراجعة اختي بتسمعلي شفوي ثم أمتحن التحريري

فسمعت شفوي تمام

لكن للأسف اخترت وقت غير مناسب أبدا لإجابة الامتحان التحريري

أصوات دق وشنيور عند الجيران ، كل اخواتي بيكلموني ، هتافات في مسيرة لدعم محمد مرسي تحت البيت


في وسط كل الضوضاء دي جيت عند إجابة سؤال معين والتفت لها وقلت:
تصدقي انا مش هخليكي تسمعيلي تاني عشان معندكيش ضمير ومش بتركزي وانا بسمع ، كل شوية أقولك "..النبي.." وهي "..الذين آمنوا.." وانتي مش بتصححيلي عشان مش مركزة

كنت بتكلم بيقين اني صح لدرجة بصتلي بذهول وسكتت وأخدت موقف

كملت امتحان ولما صححت لنفسي لقيتني كنت بسمعها صح شفوي
لكن كتبتها غلط في التحريري وظلمتها

قلتلها بسرعة: على فكرة أنا مدينة ليكي باعتذار طلعت "..النبي.." وضحكت ولم أنتظر منها رد

بعد فترة كلمتها فقالتلي: ده أنا نفسي شكيت اني بحفظها من سنين غلط من كلامك


وضريبة اللي حصل إنه هيبقى صعب تسمعلي تاني بنفس راضية بعد اللي قلته

الحمد لله

المهم ان الواحد لازم يختار وقت يكون الجو هادي فيه عشان يركز وإلا هيغلط حتى لو متقن