حملة شهداء الفجر

<blockquote class="postcontent restore ">
قطرة الندي
عايزين ننشط الحملة دي تاني ، إيه رأيكم ؟؟

لو موافقين قولوا اقتراحاتكم لشكل التنفيذ ، عايزين نطوّره بأفكاركم وإبداعاتكم

أنا فاركة زمان لما بدأنا الحملة دي
كان التنفيذ كالتالي :
في البداية عملنا مقدمة حلوة كده بتشجع علي صلاة الفجر
وبعد كده عملنا موضوع صغير بأسلوب لذيذ وقلنا فيه الفكرة اللي عندنا

الفكرة كانت :
إن اللي عايز يشترك يقول عايز أشترك معاكم
طبعا الاشتراك لكل الشباب (للي مش بيصحي ، واللي بيصحي )
علشان اللي بيصحي هيرن علي اللي مش بيصحي

هنجمع أسماء كل المشتركين وهنعمل شبكة بأسماء وهمية
( الشهيد 1 ، الشهيد 2 ، الشهيد 3 ، ................)
( الشهيدة 1 ، الشهيدة 2 ، الشهيدة 3 ، ...........)
وهنحدد " فلان " مسئول عن شبكة الاولاد
و " فلانة " مسئولة عن شبكة البنات
وكل مشترك هيتبعت له اسمه الوهمي في رسالة خاصة

بعد كده هنطلب من كل المشتركين يبعتوا لـ " فلان او فلانة " الحالة بتاعتهم إيه
هل بيصحوا وهيشاركوا في الرن علي الناس
ولا مش بيصحوا ومحتاجين حد يرن عليهم

وبعدين نعمل الشبكة بقي
الشهيد 1 هيرن علي الشهيد 4
والشهيد 2 هيرن علي الشهيد 6
... وهكذا

وممكن بعد كده الشهيد 4 و6 هيرنوا علي ناس تانية
ولو حد نومه تقيل ممكن نخلي كذا حد يرن عليه

ها إيه رأيكم ؟

المطلوب مننا :
- نجمع كلام مؤثر عن فضل صلاة الفجر
- مقدمة كده تهز القلب
- نعمل صيغة حلوة كده لموضوع حملة شهداء الفجر
- تنسيق الموضوع
- لو عندكم اقتراحات لتطوير الفكرة
- لو عندكم اقتراحات بخصوص العنوان

</blockquote>

<blockquote class="postcontent restore ">
حملة شهداء الفجر

حملة شهداء الفجر

علشان محدش يرجع يدور
وجزى الله خيرا كل من شارك في هذا المشروع من سنين

اقتباس :

- نجمع كلام مؤثر عن فضل صلاة الفجر
- مقدمة كده تهز القلب
- نعمل صيغة حلوة كده لموضوع حملة شهداء الفجر
- تنسيق الموضوع
- لو عندكم اقتراحات لتطوير الفكرة
- لو عندكم اقتراحات بخصوص العنوان

طيب دلوقتي:
1- احنا حنعمل مقدمة للتشجيع على صلاة الفجر
والوسائل المعينة
ومقاطع من دروس
واسماء لدروس مثلا وكتيبات عن صلاة الفجر
على اساس ان في ناس ممكن تقرأ وتتأثر من غير ما تشارك معانا في الخطوة العملية

2- تحضير الجزء العملي ( مين حيحصي مين وامتى؟)
3- كيفية النشر
هل مثلا نحط خطة
ان نبدأ بأعضاء المنتدى كلهم نتأكد انهم بيصحوا وبعدين ننتقل للي برا
على اساس الأقربون اولى بالمعروف
طيب النشر حيكون ازاي؟
حيبقى منتديات مثلا؟ بس في منتديات لا تسمح بإدراج روابط منتديات اخرى
طيب حنعمل event على الفيس ونخلي الناس تسجل هنا؟
ولا نعمل على جوجل شيت اللي عايز يسجل يدخل الاسم بنت/ولد بيصحى /حيحصحي رقم الموبيل

</blockquote>